Vuva ya kuona matiramukira utungata uria wagiririte wana thengia ya gukorwa magiteta kavinda karaca; ekari aa matura ma Ikura na Kavai wadiri ya Kyeni South gicigo mbunge kia Runyenjes muthenya wa umunthi nimeyumiritie na kunyitanira kuthondeka varavara ya kuma Kavai na ikura kwona varavara ino itiravitukikira.
Ekari aya maramukire gucengai kithaka varavarari ino vamwe na gukura miti . Wauguo ekari aya marauga mivango ya uthii niithararitue na nginya matiravota kumiria indo ciao thokori.
Riu ekari aya nimaritie na mugambo umwe makiuria MCA Salesio Kimaru kumathondekera njira ino niundu nimagiikite kavinda karaca.
Kiriro gia ekari aya giukite ciumia nini vuva wa ekari a matura ma Kathanjuri ,Kasafari,Murari wardiri ino guteta nii kuthuka kwa varavara ya kuma Murari kuthii Kathanjuri na iria ya kuma Karurumo kuthii Kasafari.
-Kamuthenya Junior
