Minister wa ugima wa mwiri Mutahi Kagwe niwaniririte andu engi 568 nimonekananite na murimu wa covid-19 vuva wa ithimi 9,029 gwikwa vari mathaa 24 mavituku.
Andu aria monekanite na murimu uyu riu makinyite 162,666 nacio ithimi iria ciikitwe kuma murimu uyu wakinyire vururiri uyu mweri wa kathatu mwaka muthiru ni 1,710,414.
Gatagati ka andu ama moonekana na murimu uyu umuthi akenya ni 551 namo 17 maumite nja ya vururi, 344 ni anduarume namo 224 ni atumia varia uria munini muno ni mwana wa mwaka umwe nake uria mukuru muno ari na miaka 105.
Kaunti ya Nairobi iri na arwaru 142, Kilifi 44, Mombasa 38, Kisii 33, Kericho 30, Nyeri 28, Taita Taveta 27, Nakuru 24, Uasin Gishu 22, Tharaka Nithi 19, Kisumu 17, Kiambu 15, Kakamega 13, Siaya 13, Meru 10, Bomet 10, Kajiado 9, Kitui 9, Marsabit 8, Nandi 8, Noma Bay 6, Garissa 5, Embu 4, Murang’a, Trans Nzoia, Machakos na Samburu 3 wa kaunti nacio kaunti cia Elgeyo Marakwet, Laikipia, Makueni, Migori, Narok, Nyamira, Bungoma, Vihiga, Busia na Kwale ikiandikithia 1 wa kaunti.
Kavindari wa kau andu engi 15 nimakuite varia ikuu 5 cionekanire mithenya ngurani mweri muthiru na icio ciingi 10 igikorwa iri njerere kwanirirwa.
Kunari uguo andu 173 nimavorete varia 130 marari micii namo 43 marari civitariri. Namba ya aria mavorete ikinyite 110,653.
Kavindari gaka arwaru 1,086 makomete civitariri itiganite namo 6,381 mari muvangori wa kurorererua mari micii.
Mbica irutitwe online
-Mbuya Ngari-
