Kiriro gia ekari a itura ria mwanawagiti thiini wa Ward ya Mbeti North gicigo mbunge kia manyatta Countiri ya Embu kigie varavara gitiri kirakinya muthia kwona nimathiite nambere gukorwa makigiika na makiria mwenari wigiee uthii na ukuui.
Uthuku wa varavara ya kuma kwanjogu nginya gatondo niruo rutuikite rwimbo rwa kwina wa muthenya gukeere.
Ekari maugite varavara iyo niirakwamia mawira mao wa undumwe na motungata ma vata na maria mavatie gukinyanirua nevenya guku makiuria utongoria kuvetukira MCA wao Murithi Kobole kumaiga muvariri wambere na makiria mwenari wigii kumathodekere varavara niguo mavuthirue ni mithiire yao.
Mwenari wao, onjoria a mwena ucio maugite makoretwe magicukumwa kuriva mbeca nyiingi riria magukuirwa indo cia kwendia undu utumaga mambatie mbei ya indo iria mendagia.
Gikeno gia ekari a itura riu ria mwanawagiti nigutigirira kiriro kiao kigie uthuku wa varavara nigiakinya muthia.
-Mwende Jackie
