Thirikari niitanyite gwoca njanjo cia covid-19 kuma kuri kaunti iria iri na ugondereru wa andu kuvewa na kuivecana kauntiri iria iri na andu engi mareyumiria kuvewa njanjo ino.
Akiaria na andiki a movoro umuthi Jumaa, minister wa ugima wa mwiri Mutahi Kagwe augite dose ta 200,000 itivecanitwe, varia augite undu uyu wonekanite niundu kuri na andu anini mareyumiria kuvewa njanjo ya covid-19 miena imwe.
Akinyiriritie ati thirikari ndiitikiria njanjo ino gucuka.
Kagwe akiaria ari kauntiri ya Nyeri augite andu 911,515 nimo mavetwe njanjo vururi mugima.
Gatagati ka andu ama mavetwe njanjo, andu 531,540 mari na ukuru wa miaka 58, aruti wira a ugima wa mwiri mari 160,468, arimu ni 142,624 namo maavithaa a ugitiri ni 76,578.
Mwenari wigie namba cia arwaru a covid-19, Kagwe aniririte ati andu 568 nimo monekananite na murimu uyu vuva wa ithimi 9,029 iria ciikitwe vari mathaa 24 mavituku.
Kavindari wa kau, arwaru 1,086 makomete civitariri itiganite namo 6,381 mari muvangori wa kurorererua mari micii.
Mbica irutitwe online
-Mbuya Ngari-
