Ruvonge rwa kuramata wendia na uguri wa ndawa Kemsa nirucokereretie kuvecana dawa kauntiri ya Kakamega ino ni vuva wa thirikari ya kaunty ino kumariva thiiri iria marari nayo.
Kuringana na minista wa ugima wa mwiri Collins Matemba thirikari ya kaunty , muthenya wa Alamisi niirarivire ciringi million 164 na kunyivia thiri wa million 173 iria marari naguo wa KEMSA.
Wauguo akiuga maracerithiritie kuriva mbeca ino vuva wa ruvonge rwa kigina gukorwa rugicerithiria kurekererua kwa mbeca kuri kaunty itiganite .
Wavo eririte million 9 iria matarivite nimakuriva thiini wa gicuji kiu kingi .
Kemsa gukorwa matakuvecana ndawa na indo itiganite cia ugima wa mwiri rikoretwe ri iringa rinene ruvongeri rwa ugima wa mwiri . Rivoti iria ivecanitwe yugite kaunty 47 ciari na thiri wa billion 2.5 ikiuga nigukinya mweri wa kairi kuumana na indo iria Kemsa mamederetie .
Wanja wa Njiru
Mbica irutitwe online
