Ruvonge rwa kwandika na kuramata uruti wira wa arimu guku vururiri TSC nirwanirirte gutwithia ngathi kwa arimu 16,152 igikinya muthenya wa Jumatatu ya kiumia giuku cukuru ikirugurwa.
Arimu aya maratwithua ngathi mathurimirwe gatagatiri ka mweri wa Decemba mwaka muthiru na mweri wa kairi mwaka uyu. Ino ni kuringana na ndumiriri iria ivecanitwe ni murugamiri munene wa commission io, Nancy Macharia.
Kumana na gutwithua ngathi kwa arimu aya kurevokwa gukorwa kuri na muvango wa arimu kuthamithua kuma cukuru iria maratungata kavinda gaka na gutwarwa cukururi cia kundu ngurani.
Arimu kuma ikundi itiganite nio matwithitue ngathi kuringana na mitaratara ya commission ino guku Macharia akiuga muvango uyu uratwarithwa na mbere na njira iri na utheri na waragania.
-Kamuthenya Junior
-Mbica irutitwe online
