Thina wa ngige uria wari kuo miaka mingi mivitu niguo watumire itura riria riri Mbeti south gicigo kia Mbeere South kauntiri ya Embu rigetwa Ngigeri.
Kunari uguo, ngige ti thina wao riu nwati thina wao munene ni mugunda uria wakomboretwe ni muhindi niundu andu aria makomborithitie timo maacokerua vuva wa kuvecanwa kuri kanju.
Ngucanio ino ya mugunda itumite ekari ama a Ngigeri mature maundu ma vata muturireri ta manji na thitima. Twa macio tu, guku varavara itiiriga kurimwa na uguo niciacukire, cukuru na civitari wanacio gutiri undumwe na thoko.
Riu nimauritie atongoria ao MP Geoffrey King’ang’i na MCA Murithi Kiura kana Tadpole kumeciriria mivango miega.
Mwenari wake akirungamirira utongoria MCA Tadpole augite thina munene guku ni ucio wa mugunda niundu thina uyu utathiritue vari na urito wa maundu mamwe kuvingua nwati augite nuukugeria uria angivota gukinyia utungata ucio.
-Mbuya Ngari-
