Ikundi nyingi ithondekagwa muno niundu wa mbeca nwati onjoria a vikiviki Meka wardiri ya Mbeti South gicigo mbunge kia Mbeere South magwatanire na kuthondeka gikundi gicikene ta Meka Unity niguo guukaniriria na gutigirira kuri na mitugo miega wirari uyu.
Akiaria na kameme ga Kimuri Fm, mwenegiti wa gikundi giki nike John Macharia augite ngwataniro ino niitethetie engi ao niundu oo ta mbeumbithi nimavitukagira maundu marito na uguo gukorwa na andu mangigutethia ni undu wa vata.
Mwenari wake mwandiki wa gikundi giki Jacob Mutugi niugite nimathondekire mawatho niguo gutigirira mitugo ya onjoria ama ni miega na makiria niundu wa kuthondeka ritwa ria onjoria ama.
Meka unity mari na maundu matiganite maria matanyite gwika.
Riu aria matatonyete gikundiri giki na ni a Meka nimeeritwe mweke wao uri wavo koguo magwatanire na onjoria aria engi a vikiviki. Ngwataniro ni kindu kia vata muno na nikio gitumi Steve Jobs augire “Great things in business are never done by one person; they’re done by a team of people.”
-Mbuya Ngari-
