Ruvonge rwa ugima wa mwiri muthenya wa umunthi niruaniririte aruaru a murimu wa covid-19 gukinya gicuji kia 10.8 vari igana ino ni vuva wa andu magana manna ma ikumi kuonekana na murimu wa covid 19 muthenya wa umunthi namba iria yumite kuri ithimi ngiri ithatu , magana mugwaja ma mirongo kenda na kenda iria ciikitwe mathaa mirogo iiri na manna mavituku.
Aruaru a murimu wa covid 19 vururiri magikinya ngiri igana ria mirongo itandatu na anna ,magana mathatu ma mirongo inana na atandatu.
Magana mathatu ma mirongo kenda na athatu ni akenya 17 makiuma nja ya vururiri varia magana mairi ma mirongo itano na athatu ni anduarume nao atumia mari 157 uria munini muno ai mwana wa mweri umwe na uria mukuru muno aina miaka igana rimwe.
Namba ya aria makuite kumana na murimu wa covid 19 muthenya wa umunthi ni 22 na gukinyia namba ino iri ngiri ingiri ,magana kenda ma mirongo itano .
Kaunti ya Nairobi nio itongoretie na aruaru 76 ,ikirumirirua ,Kericho 51, Meru 40, Kisumu 36 na Mombasa 27.
Gukinyagia kavida gaka andu ngiri kenda mirongo iiri na atano ,magana matano ma kenda nio mamukirite njajo ya murimu wa covid 19 vururiri.
-Mwende Jackie
-Mbica irutitwe online
