Minister wa ugima wa mwiri Mutahi Kagwe niwereithitie niki gutari na andu mooceretwe makinyo ma watho vuva wa ungumania uria waumbukire thiini wa KEMSA.
Kuringana na Kagwe, KEMSA nimo mavatie kwoorotwa niundu wa kugura indo cia kwigita PPEs na thogora uri iguru riria murimu wa covid-19 wakinyire guku Kenya.
Augite athuthuria matingirumirira aria meenderie KEMSA indo ino cia kwigita niundu ruvua ruru niruo rwavatie gutua matua magiririku mbere ya kuigura.
Ongererete na kuuga wira wa ruvonge rwa ugima wa mwiri ti kuthuthuria nwati ni gutigirira mootungata mengi ma vata thiini wa ruvonge ruru nimarathii nambere.
Kagwe augite PPEs iria ciaigitwe ta uira niciarekererue na kuvecanwa miena itiganite niguo itumike.
Niwonanitie ari na witikio na board ya KEMSA varia augite niicoketia witikio wa andu.
Mweri wa kana ukithira nirio rais Uhuru Kenyatta athurire Mary Chao Mwadime ta mwenegiti wa board ino ya KEMSA.
Acio engi mathurirwe boardiri ino ni Capt. (Rtd) Lawrence Wahome, Robert Nyarango, na Terry Kiunge Ramadhani.
Mbica irutitwe online
