Arutwa a cukuru wa mucingi wa Ndunguni ,Mbeere South, Embu County aria manjiriritie gucokereia cukuru niundu wa term ya kathatu matigitwe matakumenya kuria magutwarithia mathomo mao kwona ethari ngui aria mengatirwe migunndari yao marekara cukururi ino.
Makiria ya micii 3000 kuma mwena wa Makima nio marekara cukururi uyu kuma ruvonge rwa ukuria wa nyunji cia Tana na Athi (TARDA), kumengata migundari iria marauga ni yao .
Muthenya wa jumatatu arutwa 99 gatagati ka arutwa 278 a cukuru uyu nio mavingurire cukuru guku gugitigirwa arutwa 179 aria matavingura cukuru nikwa mathamire na aciari aao.
Kuringana na mwenegiti wa kiama kia (BOM) cukuru uyu wa Ndunguni, William Muoki,augite arutwa aya 99 maratumira irathi ithatu kavinda gaka.Muoki augite utongoria wa cukuru uyu uravanga arutwa kuthicaga cukuru na matina.
Mwenari wake MCA wa wardi ya Makima ,Philip Nzangi, niuritie thirikari wa kaunti na iria ya kivuru gucariria ethari ngui aya vandu vengi va gwikara niguo metikirie arutwa kuthii na mbere na mathomo.
Kunari uguo murugamiri munene wa kithomo kauntiri ya Embu, James Kairu, augite muthenya wa igoro nimarathondekire mucemanio na ethari ngui aya metikra kuthama cukururi uyu igikinya jumaviri ya tariki 16.
John Ndolo,uria nike mwenegiti wa ethari ngui aya augite nginya kavinda gaka matiramenya kuri makuthi na kuria thirikari kumatethia
-Kamuthenya Junior
mbica irutitwe online
