Maavitha a vorithi kauntiri ya Kirinyaga nimaracarania na mundumurume umwe uria uratigire mwiritu wake gituori kia mbathi gia kutus vindi iria aracokete cukuru.
Kuringana na commmda wa Gichugu Subcounty Anthony Mbogo giko giki kirarivotirwe stationiri ya vorithi ya Kutus ni mundu wa wendi mwega uria uraranirie na mwiritu uyu uria urekirite nguo cia cukuru.
Mbogo augite mwiritu uyu ni murutwa wa cukuru wa eritu wa St Catherine Nthagaiya gicigo mbunge kia Runyenjes na ni murutwa wa form 1.
Mwiritu uyu erite maavitha aa vorithi, ithe Josephat Rutere aramutigire vuva wao gukinya tauniri ya Kutus riria ararungamirie ngari na atuma mwiritu uyu cardi ya thimu nwati vuva wa mwiritu uyu kuuma ngariri ithe atoroka atwarithitie ngari na ivenya rinene.
Ndeto makiria ikiuga Rutere araugire ndakurera mwana utari wake . Kuringana na maavitha a vorithi aria marathuthuria ndeto ino maugite mwiritu uyu mekaraga na ithe Kabati (Kitui) vuva wa nyina gukuira mutinuri wa varavara mweri umwe muvituku.
Wanja wa Njiru
Mbica irutitwe online
