Kiravu kia Manchester City nio avotani aa ligi nene ya Ngeretha kimera kia 2020-2021.
City maniritwe avotani vuva wa timu ya Manchester United gututwa ni kiravu kia Leicester City mbao 2-1 muthenya wa igoro.
City maukiriritie gikombe giki maita matano rungu rwa miaka 10 mivituku, imwana ino cia “The Citzen” maniriritwe avotani matigaritie mechi ithatu ligi ino ikinye mwico mari na point 80 point 10 iguru ria Man United aria mayitirite namba ya kairi..
Akiaria kocha munene wa kiravu giki Pep Guardiola vuva wa kwanirirwa ta avotani augite kimera giki ni kimwe kia imera nyumu iria anakorwa akinora timu wayonthe.
City marevariria mechiri ndito iria makathaka na kiravu kia Chelsea thiini wa finals cia gikombe kia UEFA champions tariki 29 mweriri uyu.
Kamuthenya Junior
mbica irutitwe online
