Kamiti ya watho na waragania thiini wa mbunge ya kivururi niyo Justice and Legal Affairs Committee (JLAC) irevokwa gukathuthuria uria wathurirwe gwoca mweke wa njanji munene guku vururiri nike Justice Martha Koome muthenyari wa ruciu.
Kamiti ino iria itongoragua ni mumbuge wa gicigo gia Kangema ,Muturi Kigano, irevokwa gukathuthuria kana Koome ari na wigiririki wa gutongoria ruvonge rwa magoti guku vururiri.
Koome avitukirwe ni commission ya magoti na kuvitukua ni rais uhuru Kenyatta ciumia nini nvituku vuva wa gucinda andu engi 9 aria mameragiria giturwa giki mata na kiria giatigrwe ni uria wari njanji munene guku vururi David Maraga.
Vuva wa kamiti ino kuthuthuria Koome irevokwa kwandika rivoti na kumikinyia mbere ya mbunge ya kivururi.
Koome avitukua ni mbunge niaakorwa agioca giturwa kia njanji munene guku vururi na gukorwa njanji munene wa mbere mutumia guku vururi na gitaruri kia Africa irathiro na wa gatandatu thiini wa Africa.
-Kamuthenya Junior
mbica irutitwe online
