Wanathengia wa Wonjoria wa utwarithia wa viki viki gukorwa wandikite mbeu mbithi engi muno guku vururiri enegiti a ikundi itiganite cia vikiviki mwena wa Ugweri gicigo mbunge kia Runyenje matongoretue ni Peter Mugendi nimauritie aciari gutigirira matiranengera ciana cia cukuru viki viki niguo kurigiriria mitino gwikika varavarari wa undumwe na gutigirira arutwa nimarekia mathomo mao.
Miario yao yukite wariria meriga kunyita vikiviki iri njarari cia ciana cia cukuru na guciitanira kuri maafitha avorithi.
Munini wa civu mwena ucio augite mitino mingi irekika varavarari na makiria ya atwarithia a viki viki iracungirirwa ni arutwa a cukuru nikwona tiakinyaniru ikiro cia gutwara viki viki.
Niguo gutigirira ciana niciakinyaniria kiroto kiao kia mathomo na kurigiriria mitino mingi gwikika varavarari civu niuritie enegiti a ikundi cia viki viki wa undumwe na aciari kunyitanira niguo ciana iria iratwara vikiviki kuthegutwa varavarari.
Gikeno nigutigirira mitino mingi iria irekika varavarari na makiria ya atwarithia a viki viki niathira na arutwa a cukuru gukorwa matakwiingiria wonjoriari wa utwarithia wa viki viki niguo gutovora mathomo mao.
Mbica irutitwe online
Mwende Jackie