Kiama kia Jublee nikiravanga gwocera makinyo ma watho ambunge na masenator a kiama giki aria matananyita mbaru rivoti ya BBI.
Amwe aa ambunge aria mari ugwatiri wa kwingatwa kiamari giki ni vamwe na mbunge wa Gatundu South, Moses Kuria, mumbunge wa kuthukua Cecily Mutitu Mbarire na senator muthure Millicent Omanga.
Kuringana na munini wa mwenegiti wa kiama kia Jublee David Murathe ,Kuria arevokwa gwocerwa makinyo ma kiwatho nundu wa kunyita mbaru muvuraniri wa giti thiini wa kithurano kinini kia gicigo mbunge kia juja Goerge Koimburi uria ni muvurani na kiama kia People’s Empowerment Party (PEP).
Senator Omanga na mumbunge wa kuthukwa Cecily Mbarire, nimakorwa magiocerwa makinyo niundu wa kurega kunyita mbaru rivoti ya BBI.
Murathe augite wari murugamo wa kiama amember onthe manyite rivoti ino mbaru na ino ni kuga aria mamigwithirie mathiire mugaru na wamuri wa kiama.
Ambunge aya mavota gukorwa magitonya thiini wa list ya ambunge aria merega kurutwa thiini wa iturwa ciao kana gwikua nja ya kiama giki vamwe nao ii ,Isaac Mwaura, Senator Kipchumba Murkomen, Susan Kihika, Caleb Kositany, Christopher Lang’at ,John Kinyua kugweta atare tu.
-Kamuthenya Junior
mbica irutitwe online
