Gicunji kia aruaru a murimu wa covid 19 muthenya wa umunthi gikinyite 10.7 vari igana ino ni vuva wa andu engi Magana mathatu ma mirongo kenda na airi kuonekana na murimu wa covid 19 muthenya wa umunthi namba iria yumite kuri ithimi ngiri ithatu ,magana matandatu ma mirongo itandatu na inyanya iria ciikitwe rungu rwa mathaa mirongo iiri na manna mavituku.
Ruvonge rwa ugima wa mwiri muthenya wa umunthi rugite andu magana mathatu ma mirongo inana na athatu ni akenya nao kenda maumite nja ya vururiri ,guku magana mairi ma mirongo ithatu na mugwaja mai anduarume atumia mari igana rimwe ria mirongo itano na atano ,uria munini muno ai mwana wa mieri iiri nake uria mukuru muno aina ukuru wa miaka 95.
Namba ya ikuo vururiri ikinyite ngiri ingiri ,magana kenda ma mirongo mugwaja na ithathatu ino ni vuva wa andu engi anana gukua vai mathaa mirongo iiri na manna mavituku .
Kanti iria ciandikithitie aruaru ivana ta uu Nairobi 70, Kericho 58, Kisumu 53, nayo Embu ikiandikithia arwaru 2.
Gukinyagia kavidari gaka andu ngiri kenda mirongo ithatu na athatu ,magana mana ma mirongo ithatu na atandatu nio mamunditwe njanjo ya murimu wa covid 19.
-Mwende Jackie
-Mbica irutitwe online
