Igoti rinene ria Garsen rigakorwa rigioca matua ma ciira maria mamuritwe ni athuri a ruriri ,ciira cia mbukaniriro cia kimucii , ino ni kuringana na mucirithania munene Paul Rotich.
Rotich augite mocete itua ria kurutithania wira na athuri a ruriri niguo kunyivia ciiira nyingi iria ciucurite igotiri.
Wavo augite ciira ino cia kimucii itiri na urito munene na kanju ya athuri aya niyonanitie nwaivote kuimurika na guitwithania .
Rotich wauguo augite ciira ino kuthikiririrua na gutuiwa ni athuri aya nigugutethereria ekari aya gukorwa matagutumira mbeca nyiingi cia gwikinyia igotiri.
Wauguo undu uyu nugutethereria ekari kwamukira kivoto nevenya,nao athuri aya a ruriri mauritwe guka vamwe na kunyitanira niguo kuvurana na wiki nai na ciira niikuthira iria irakinyua igotiri.
Kanju ya athuri wavo nuyuritue gukorwa na atumia thiini wa gikaro kiao niguo mavote kwaririria maundu maria maravutia atumia .
Mwenari wake barothi wa gutigirira kivoto nikironekana Stephen Otoi augite ikinyo riri rivecetwe ni igoti nirigutethereria muno kuvecana kivoto mwena wa Tana Delta.
Itua ria igoti riukite vuva wa miungano itiganite ta Kenya Community Support center na United Nation Development Programs gukanyiriria ekari a Tana Delta Subcounty mavewe kivoto.
Wanja wa Njiru
Mbica irutitwe online
