Andu nimauritue guturania na thayu mwingi kuvitukira gucokaniriria micii yao.
Ino ni ndumiriri yumite kuri andu matiganite aria maratara micii umunthi, muthenya uria ni wa kimaavururi wa gukunguira micii uria wicikene ta International day of families, varia mworoto munene mwaka uyu ni Families and New Technology.
Akiaria na kameme ga Kimuri fm, mwarimu munene wa cukuru wa St Augustine’s teachers training college Ishiara Fr Isaiah Njiru, na nwa mutarani, augite technology niiretete maundu mega na macuku na uguo kuuria andu gutumira technology na njira iria yagiririkite.
Miario ya Fr Isaiah niigwatitwe mbaru ni Ken Munene uria ni mwikari wa itura ria Ithaara.
Kavindari wa kau, andu thiini wa micii nimauritue gucutha andu engi a kureta thayu angikorwa nimaremwa kwaraniria oo ene.
Riu micii niitaritwa gukorwa na rwendo runene makiria muthuri na mutumia.
Muthenya uyu wambiririe gukunguirwa mwaka wa 1993 mweri wa gatano tariki 15 vuva wa urumwe wa mavururi kana united nations kwambiriria kurongoreria muno maundu megie micii mwakari wa 1983.
Kuma guku gwa kimuri fm tugakwendithiria muthenya mwega wa gukunguira micii.
Mbica irutitwe online
