Ekari a Meru na Isiolo nimauritie igoti kwingirira na gutuicania ciira wa mugunda uria ukoretwe wi kuo gatagati kao na KDF.
Ekari aya aria ni makiria ma ngiri 20,000 mathiire igotiri vuva wa kuvewa marua ya kumengata mugundari uyu mweri wa kanana mwaka wa 2019 na makivewa marau ma kurigiriria thirikari gwoca mugunda uyu nginyagia ciira uyu uthikirirue na utucanue.
Nwati riu maugite mathiite nambere na kugia wagagu vuva wa kwona maavitha a mbiraru mugundari uyu wanagukorwa ciira waguo ndutucanitwe magikuira mavota gucunwa mugunda wao thrikari ya kaunty iriroretie.
Ekari matongoretwe ni Kuresha Bille aria maumite miena ngurani ta Kilimani ,Elsa Ngusoro ,Bulesdima,Kabarnet Akadeli,Kakili icigo cia Turkana mendekithitie maavitha a mbiraru gukorwa matagwikinyia mugundari uyu ni kwona gutiri mundu wi iguru ria watho.
Riu ekari aya maugite marekara na guoya mugundari uria wari wa methe mao varia icigo imwe cia mugunda uyu ciatengetwe iri cia Nyambene National Reserve.
Wanja wa Njiru
Mbica irutitwe online
