Ekuirwa athatu aria maragwatikanire na miguonyo ya njogu ya kilo 13 Barsaloi kauntiri ya Samburu mavingiritwe stationiri ya vorithi ya Maralal vuva wao kugwatwa ni mavithaa a vorithi aria maramenyithirue ni mwingi.
Kuringana na komanda wa vorithi wa Samburu Alex Rotich miguongo ino iratinangitue icuji nini na irikite irari ya mwigana wa ciringi million 1.7.
Rotich augite ekuirwa aya maravirite miguongo ino kundu gutecikene na irakuitwe na ngaari ya mundu kiumbe.
Ekuirwa aya maragwatirwe vuva wa ngwataniro ya maavitha a vorithi na a kugitira nyamu cia kithaka KWS aria maramagwatire mari varavarari ya Barsaloi -Maralal.
Uthuthuria niuthiite nambere gwikwa niguo ekuirwa makinyue igotiri na kuthitangwa, Wiyii wa miguongo ukoretwe ugikika muno miena ino na maavitha a vorithi nimauritie mwingi kunyitanira nao niguo kumava rivoti cia ekuirwa.
Wanja wa Njiru
Mbica irutitwe online
