Spika wa mumbunge ya vururi Justin Muturi, niwititie gikaro kia mwanya gia kwariria rivoti ya kamiti ya watho na waragania mbungeri ya vurruri (JLAC ) iguru ria wigiririku wa njanji munene muthure Martha Koome .
Lady Justice Koome, athuthuririwe ni kamiti ya JLAC muthenya wa aramisi kiumia kithiru niguo kwona kana ari na wagirirku wa gwoca mweke wa njanji munene guku vururiri. Giti giki giatigirwe vuva wa uria wari njanji munene David Maraga gutiga wira .
Ikinyo riri rikionekna ta ria mwico ria kumvitukia gwoca giturwa giki ikirikanagwa ciumia igiri nthiru rais Uhuru Kenyatta akivecana ritwa ria Koome ,kwi mbunge niwauririe spika wa mbunge ya kivururi gutengeria mivango ya kumuthuthuria .
Njanji Koome avitukua ni mbunge niakorwa agioca giturwa giki ta mutumia wa mbere guku vururiri na thiini wa gitaru kia Africa ya irathiro na mutumia wa gatandatu gwoca giturwa giki thiini wa Africa.
-Kamuthenya Junior
mbica irutitwe online
