Micii 337 niithitangite thirikari ya Kenya niundu wa kurega kurivwa niundu wa ntharikiro iria yekikire tariki 7 mweri wa kanana mwaka wa 1998 umbarothiri wa Amerika na ukiuraga andu 213 na gutiga engi na ngurario cia muturire.
Micii ino kuvitukira wakiri waao John Khaminwa, ikinyitie mateta maao igotiri inene ria Nairobi muthenya wa umunthi.
Micii ino niyugite guku vururi wa Amerika ukivingia wigusano wa kuriva raiya ao niundu wa ikuu na uthukangia wa indo uria wonekanire mwaka wa 1998, thirikari ya Kenya ndirivite micii ino.
Wauguo micii ino niithitangite vururi wa Kenya niundu wa kurega guoca makinyo ma kurigiriria ntharikiro ino. Nimathiite nambere kuuga thirikari ndiarigiriria kuretwa gwa mbeca thiini wa ikundi cia Al-Qaeda guku vururiri varia kuringana naao ciatumikire kugera ngero ino.
George Ngige, Evanson Ndungu, Flora Wamukowa, Esther Njeri, Douglas Sidialo na Katiba Institute, niyo makinyitie ciira uyu igotiri makienda micii ino 337 irivwe niundu wa aria maurirue ni endwa ao ntharikirori ino kana makigia ngurario.
Ntharikiro ino ciekikire muciiri wa Nairobi na Dar es Salaam varia ciauragire andu 224 ii vamwe na raiya 12 a Amerika naao andu makiria ma 4,500 makigurarua.
Ntharikiro ino ciakuravanirue na gikundi kia uregani kia al Qaeda guku andu makiria ma 20 makithitangwa na gukorwa magerire ntharikiro ino.
Mbica irutitue online
Kaari wa Mugendi
