Igoti ria gucokia ciira riko niritikaniritie na itua ria igoti rinene ria gutuira kiovo gia uturo mundumurume umwe uria wanyitanire na engi kuuraga mundumuruume wingi uria wekuagirwa ni mwiyi nwati ndari mwiyi.
Rivoti iria ivecanitwe yugite Evans Odour aigite ngari yake nja ya mucii wa mundu uria mavakanite nake tauniri ya Mbita kauntiri ya Homabay riria onire Erick Ochieng aina vikiviki iria yaigitwe nja ya mucii umwe ,ndagika nini vuvari akiona mundumurume umwe na ritwa Kelvin Ochieng aumite nyombari yake akiugaga mbu niwaiwa vikiviki.
Na nivo Odour erire Kelvin niwona uria wina vikiviki yake na icaria ria Erick rikiambiriria na agikorwa gwake mucii muthenya uria warumirire .
Oduor erikite gukorwa nike watongoririe mwingi kutharikira Erick na wanaageria kwiyaririria tike waire vikiviki gutiri mundu wa muthikirie.
Undu riu utumite igoti ria gucokia ciira riko ritongoretue ni manjaji William Ouka,uria uri thiini wa Supreme court ,Hannah Okwengu na Fatuma Sichale gwitikia Odour nike wathondekire njama ya kuuraga Erick wanangorwa mwingi niwanyitanire kugera ngero iyo.
Manjaji aya nimatecaniritie mateta ma Odour akiuga ke ndacangirira gikuo giki.
-Wanja wa Njiru
-Mbica irutitwe online
