Ngathiti ya thirikari gucavithia mathaa ma utuku gwikua nja kwa ngavana wa Wajir Mohamed Abdi Mohamud nugututhurite ndereti itiganite ta gutumika na njira iria itagiririkite.
Amwe a ambunge nimavecanite mukana nimaguka na watho wa gutigirira uria ucavithagia kimenyithia agirirwe kuruta wira mathaa maria magirire ma uruti wira.
Ino yukite vuva wa kimenyithia kiria kiavecanirwe ni spika wa senate Kenneth Lusaka akianirira mweke wa ngavana kauntiri ya Wajir, kimenyithia kiria giacivithirue mathaa manini vuva wa senate gutua wamuri wa gwikua nja kwa ngavana wa Wajir.
Senate matuire itua thaa ithatu cia utuku ivutukitie ndagika nini na igikinya thaa thita cia utuku kimenyikia gia spika kiari gicavithie na kimenyithia kingi gia kwivitithua kwa munini wa ngavana Ahmed Ali Muktar gigicavithua ringi utuku, undu utumite uria maundu maratwarithua na mbere gwikirirwa nganja.
Riri rikirika tirio rita ria mbere, kimenyithua gucavithua maathari ma utuku ni kwona wana uria wari ngavana wa Nairobi Mike Sonko na Ferdinard Waititu wa Kiambu imenyithia ciacavithirue utuku mathengutua ituruari .
Kunari uguo amwe a atongoria nimareganite na ndeto ya kurigiriria gucavithua gwa kimenyithia utuku ta senator wa Nandi Samson Cherargei, senator wa Makueni Mutula Kilonzo jnr mwenari wake augite gutiri na watho wa kuvecana mathaa maria kimenyithia kiagirirwe gucavithua.
Wanja wa Njiru
Mbica irutitwe online
