Avitha umwe wa vorithi niwikitwe ngono Kirinyaga agikuirwa kunyita kiavinya keritu gake ga ukuru wa miaka 9.
Ndeto ino, nikiritwe mukonde ni munene wa maavitha a vorithi Kirinyaga East Subcounty Anthony Wanjuu uria ugite uthuthuria warika avitha uyu niathitangwa na ivitia ria kunyita mwana uyu wake kiavinya.
Wanjuu ,wavo augite avitha uyu ndagirirwe ni kwagarara watho na niagocerwa ikinyo riria riagiririkite.
Ndumiriri iria ivecanitwe ikuruvanitie mundumurume uyu na gukorwa anyamaririe mwana uyu wake vuva wa nyina wa mwana uyu kuthiyi mugundari na kumutiga na ithe .
Vuva wa gucokereria mutumia uyu arethire mwana uyu akirira na nivo aramutaririe kwa aranyitirwe kiavinya na mwana uyu atengerua thivitari, na nyina avura rivoti kuri maavitha a vorithi aria maraikirie mundumurume uyu ngono.
Wanja wa Njiru
Mbica irutitwe online
