Igoti riria rikuthikagiriria ciira iigie million 791 cia National Youth service nirirungamitie gikaro kiao vuva wa andu airi aria makuruvanitwe ciirari uyu gukorwa matari na mawakili.
Igoti riritwe wakili uria urarungamagirira Ben Gethi nurakuire na ndathikitwe noguo igoti riatua ciira uyu ndungithii nambere kuthikirirua .
Wauguo mucirithania munene Francis Andayi nutecaniritie riedekithia ria kurigiriria andiki a movoro gwikinyia igotiri ngavana wa Kirinyaga Ann Waiguru akivecana wiyra ciirari uyu.
Ofici ya munene wa nthitango cia mwingi kuvitukira Jalson Makori niyauritie andiki a movoro kurigirirua niguo matikavecane ndumiriri itari cia umma.
Andu athatu aria ni aiyra, na athuthuria atano nimarevokwa kuvecana wiyrwa wao. Tariki 5 na 6 Mweri wa kanana ngavana Waiguru arevokwa gukavecana wiyra wake iguru ria uria wari mwandiki mukaru Peter Mangiti ,uria wari murungamiriri Nelson Githinji na andu engi 22.
Wanja wa Njiru
Mbica irutitwe online
