Njanji munene muthure Martha Koome, arevokwa gukanyua muma na gwoca mathaga ma wathani ta njanji munene guku vururiri muthenya wa rucio thiini wa thingira wa iregi wa Nairobi
Kuringana na ndumiriri ivecanitwe ni ruvonge rwa magoti vuva wake kwivitithua arevokwa gwoca wira wa ofisi ya njanji munene .
Mweke wa njanji munene watigirwe vuva wa kuretire kwa uria wari njanji munene David Maraga gutiga wira mweriri January mwaka uyu.
Vuva wa kwivitithua Koome arevokwa gukanyitwa ugeni thiini wa ofisi yake ni Commmission ya magoti JSC ,munini wa njanji munene Philomena Mwilu ,Chief registrar wa ruvonge rwa magoti Anne Amadi,njanji wa supreme court na atongoria a ruvonge rwa Judiciary Leaders Advisory Council (JLAC),”
Muthenya wa jumatatu ya kiumia giuku kurevokwa gukorwa na igongona ria kuvecanwa kwa wathani kuma kwi utongoria wa navau mbere na koome akianjiriria wira wake kiwatho.
Koome arathurirwe ni Rais Uhuru Kenyatta muthenya wa igoro vuva wa kuvitukua ni mbunge na niaakorwa agitungata ta njanji wa mbere mutumia guku vururi.
-Kamuthenya Junior
-Mbica irutitwe online
