Thirikari iri na muvango wa gwikira watho uria ugutigirira akenya onthe aria mari na ukuru wa miaka 18 makarivagira kandi ya NHIF.
Wona ndereti ya watho uyu iria iviritwe mbungeri ya kivururi ni mutongoria wa aria engi mbungeri ino Amos Kimunya yavituka, igakorwa nwa nginya mundu wa wonthe uri na ukuru wa miaka 18 kuthii na iguru akorwe na kandi ya NHIF.
Wauguo watho uyu urendekithia andikani kurutira andikwa mbeca cia kuriva NHIF, kwa muvano angikorwa mwandikwa arutaga ciringi 500 ta marevi ma kandi ino mumwandika avatii kumurutira ciringi ino 500.
Andu onthe ari mandikitwe makavatarika kuruta kiwango kiganene namo aria matari andika na aria mari na mawira kiumbe makurutaga kiwango kimwe. Wauguo mundu arega kuruta mbeca ino igacungagirira kuvurwa vaini ya maita matano wa mbeca iria avatie kuruta.
Watho uyu uri na itanya ria gutigirira thirikari niyava andu onthe ugima mwaro wa mwiri.
Wauguo mbeca ino igakoragwa igitumika thiini wa uguri wa dawa na ukuria wa civitari vamwe na kwandika arigitani makiria.
Thirikari wauguo yendekithitie civitari iria ikagwatikanaga ikigeria kunyitanira na arwaru niguo magie na mbeca ikavainagwa vaini wa makiria ya ciringi ngiri 500,000 na kurigirirua gutumira kandi cia NHIF gwa kavinda ka miaka 6.
Mbica irutitwe online
