Ekari a itura ria Iriari thiini wa ward ya Nginda, Mbuvori gicigorimbunge kia Manyatta nimaikitie mateta mao megii ucuku wa varavara cia mwena ucio.
Matongoretwe ni Gibson Njagi, uria urimaga mboga muthemba wa Cabbage, maugite uthuku wa njira ya kuma Iriari nginya gatareri uramaima mweke wa gukinyaniria motungata ma vata na maria mavatie gukinyanirua nevenya.
Wanathengia wa ekari a itura ria iriari gwikira kioo ta muthua urimiri wao maugite varavara njuku nicio imaimaga mweke wa gukenerera nthithina yao kumana na urito wa kumiria na gutwara mirigo yao thokori.
Riu nimauritie thirikari kuvetukira atongoria ao kumaiga muvariri wambere mwenari wigii uthondeki wa varavara niguo mavuthirue ni mithiire yao.
-Mwende Jackie
