Martha Koome niwatonya mavukuri ma kiririkano ta mutumia wa mbere vururiri wa Kenya gwikarira giturwa kia njaji munene.
Koome evitithua muthenya wa umunthi nthingirari wa iregi, mambura mama maratongoretwe ni raisi Uhuru Kenyatta .
Koome riu ekarira giti kiria giekariritwe ni David Maraga uria uririkanagwa muno na itua riake ria kwamurithia kithurano kinene kia raisi gucokerua mwaka wa 2017.
Koome egwatirite giturwari giki kiria kirameragirua mata ni avuranirii engi kenda, aria mathurumirwe ni kamiti ya magoti mweri wa kana.
Mwenari wake raisi Uhuru Kenyatta nukumitie Koome na kumwiririra thirikari nikumunyitirira thiini wa wira wake .
Koome uria wina ukuru wa miaka 61 atungatite thiini wa ruvonge rwa ucirithania vari kavida ka miaka 33.
Thavari yake ya kugukuma giturwari kia njanji munene ndikoretwe iri nvuthu ni kwona andu amwe meyumiritie magikirira nganja kuthurwa gwake ta wakili Fred Ngatia na Makau Mutua uria wendekithitie commission ya magoti kuvecana maumirira ma avuraniri onthe aria mameragiria mata giturwa giki.
Wanja wa Njiru
Mbica irutitwe online