Munini wa spika mbungeri ya senate Margaret Komar niwendekithitie moogaruruku gwikwa thiini wa watho wa ciama cia uteti niguo kurumbuiya atumia.
Profesa Kamar augite thiini wa watho gukoragwa gugwitikirie gutumirwa kwa mbeca cia kiama gia uteti gutethereria muvuraniri na kureta wiyathi uyu wana kuri atumia, nwati kengi undu uyu ndwikikaga.
Wauguo augite nimararoria uria watho uyu wathondekirwe niguo mavote gwikira moogaruruku.
Professa Kamar uria nwake senator wa Uasin Gishu wavo endekithitie ciama cia uteti kuvecana mbeca na wigananu kuri atumia niguo mavote gwiyukiriria.
Augite atongoria nimamenyete ati uthii wa nambere ugakorwa ukiganana angikorwa atumia na athuri magakorwa makigwatanira utuiri wa matua ngathiri ngurani cia thirikari.
Miario ino aritie ari mukawari wa Kericho vuva wa kurikia mucemania wa 65 wa Commission Status on Women kana CSW uria uraretete vamwe atumia atongoria kuma kauntiri cionthe 47 rungu rwa muvango wa CSW Mashinani.
Wanja wa Njiru
Mbica irutitwe online
