Andu atano a mucii umwe aria makuirire mutinu wa varavara ciumia igiri nvituku , Taru varavarari ya Mombasa marathikwa muthenya wa umunthi Nyakach Subcounty kauntiri ya Kisumu.
Ekari a itura ria Kabol, Nyalunya location wardiri ya central Nyakach magumiritwe ni kieva magicakaa ikuo cia atano aya aria miiri yao irakinyirue iturari riri kivwai kia muthenya wa igoro .
Erick Otieno ,mutumia wake na ciana ciao cia ukuru wa miaka 10,7 na 2 makuire vau vau vuva wa ngari iria mari nayo kuringana kiongo gwa kiongo na trella riria maumite Mombasa mathiite Nairobi.
Kuringana na avitha wa traffic gicuari Peter Maina mutinu uyu wekikire thaa ikumi na imwe cia kiroko riria trella iria yathiite Mombasa ya geragia kuvituka ngari ciingi .
Wanja wa Njiru
Mbica irutitwe online
