Mutongoria wa kiama kia ODM Raila Odinga niuthite igotiri akivinga wamuri wa manjanji atano aria mavitukirie rivoti ya BBI ni mugaru na gativa wa vururiri.
Raila vamwe na aria matongoretie muvango wa gwikira gativa maugaruruku rungu rwa rivoti ino makinyitie igotiri maundu 16 maria kamiti ya BBI irauga igoti rinene niriagararire.
Kuvitukira ciira ukinyitue ni wakili wa Raila ,Paul Mwangi, Raila arenda igoti kurugamia wamuri uria warigiririe commission ya ithurano na mivaka guku vururiri IEBC kwanjiriria muvango wa gwikira gativa mogaruruku
Riu mutongoria uyu wa kiama kia ODM aranyitanira na munene watho guku vururiri Kihara Kariuki na commission ya IEBC aria makinyitie cira igotiri makiregana na wamuri uria warutirwe ni manjanji wa igoti rinene.
Kuringana na ciira iria ikinyitue ,athatu aya marorota manjanji aa igoti rinene vamwe nao ii Joel Ngugi, George Odunga, Jairus Ngaah, Chacha Mwita and Teresia Matheka gukorwa matari na vinya wa kwamura uria gativa ivatie gwikirwa mogaruruku.
Kamuthenya Juniour
Mbica irutitwe online
