Kaunti ya Embu na ya Garisa niciongererete ogoti uria ciongonagia wa mwaka kuma mwaka wa kigina wa 2013 na 2014 ino ni kuringana na ndumiriri irekereretue ni commission ya wocania wa goti guku vururiri muthenya wa umunthi.
Kuringana na ndumiri ino kaunti ya Embu yongererete goti uria yocanagia wa mwaka na gicunji kia 254. Kaunti cingi iria ciongererete goti uria ciocanagia ni vamwe na Tana River, West Pokot, Lamu, Kirinyaga, Mombasa, Nandi, Kiambu, Elgeyo-Marakwet, Laikipia, Taita Taveta, Marsabit, Makueni, Kakamega, Tharaka-Nithi na Nyandarua rungu rwa miaka 6 ya wathani wa matura .
Akivecana ndumiriri ino avitha wa commission ino ndagitari Irene Koech augite kaunti cia Busia, Wajir, Homa Bay na Mandera niciinyivitie goti uria cionganagia wa mwaka .
Kaunti ya Nairobi thengia ya gukorwa ni kiumo kia goti munene guku vururiri mongererete goti na gicunji kia imwe vari igana nwati kaunti ino ina uvoti wa kuruta gicunji kia 40 kia budget ya vururi.
Mbica irutitue online
Kamuthenya Junior
