Thirikari ya kaunti ya Embu nirevokwa kwanjiriria thoko ya nthamaki nja ya vururiri iria iina itanya ria gutethereia arimi aa nthamaki kauntiri ya Embu kugia na thoko ya thamaki.
Ino ni vuva wa ruvonge rwa ukuria wa urimi,maviu na urimi wa nthamaki kuvecana makiria ya nthamaki ngiri mirongo inana kwi arimi matiganite kuma kauntiri ya Embu.
Wauguo thirikari ya kaunti niivete arimi aya kithomo kia uria mangivota guukiriria urimi wa nthamaki niguo magunike makiria.
Kaunti ya Embu iiri na makiria ya arimi 1200 ino ni kuringana na minister wa urimi guku kauntiri ya Embu Sulemain Kariuki.
Kavinda gaka thokori ya Embu nthamaki imwe irauma gatagati ka ciringi magana matano nginya magana manana.
Wauguo arimi nimauritue gutonyerera urimi wa nthamaki guku kaunti ya Embu vamwe na kwanjiriria kuria nthamaki nigukorwa niivecanaga indo iria itethagiriria mwiri gukura.
Mbica irutitue online
Kamuthenya Junior
