MCA wa wardi ya Kiagu kauntiri ya Meru Eunice Karegi niukuite. MCA uyu akuite umunthi akiamukira urigiti civitariri imwe vururiri wa India kumana na murimu wa Cancer.
Karegi uria wathurirwe na kiama kia Maendeleo Chap Chap (MCC) arari umwe wa atumia airi aria mathurirwe ta maMCA mbungeri ya kaunti ya Meru.
Mutongoria wa kiama kia MCC Alfred Mutua agituma ndumiriri ya gucakaya augite Karegi arari mundu mwitikia, muugi na uri na mworoto.
Engi aria macakaite Karegi ni mutongoria wa aria engi mbungeri ya kaunti ya Meru Vivtor Karithi uria uugite ndeto igie gikuo giki ni ya kumakia na kieva muno. Augite Karegi arari mundu mwirutaniri uria uratungataga andu ake na njira mbega.
Akirungamirira mbunge ya Meru, speaker Joseph Kaberia niutumite ndumiriri ya kuumiriria mucii wa Karegi na andu a wardi ya Kiagu na kaunti yonthe.
Mbica irutitwe online
