Mwandiki mukaru wa muungano wa aruti wira vururi Francis Atwoli nimaikaniritie ciugo mutambori wa ukinyaniria wa kiriu wa twitter na wakili Ahmednasir Abdulahi makiorotana na ungumania.
Atwoli orotete Ahmednasir nigukorwa acangiririte ungumania na kuuga mawakili aria mari na ungumania ni amwe wa thina munene ugumirite vururi wa Kenya.
Wauguo orotete wakili uyu gukorwa matari na wigucano mwaro vuva wa Atwoli kumurigiriria kwamukira marivi matagiririkite . Atwoli augite niathii nambere na gutetera aruti wira.
Mwenari wake Ahmednasir endekithitie Atwoli kuthengutua giturwari giake muunganori wa COTU akimworota ni gukorwa na utonga na indo iria itarereeka uria aigite.
Kunari uguo Atwoli nureganite na ndeto ino na kuuga indo ciake aigite kuvitukira mutaratara uria wagiririkite .
Thiina wa airi aya ukiambiriria vuva wa Ahmednasir kworota thirikari ya kaunty ya Nairobi nundu wa kuva varavara imwe ritwa ria Atwoli akiuga undu uyu ti mbica mbega kuri aruti wira aria mathiite na mbere na kuvinyirirua.
Wauguo akiorota Atwoli nigukorwa ariganiritwe ni aruti wira na kuthiyi nambere na gwikenia makinyitanira na itonga
Wanja wa Njiru
Mbica irutitwe online
