Ekurwa airi ari makuruvanitue na gukorwa magikirira andu ndawa cia toro nakumaiiyra ni maikitwe ngono kauntiri ya Kiambu.
Airi aya ,Peter Irungu na Njoki Irungu maraikirwe ngono muthenya wa igoro ni maavitha a uthuthuria mwena wa Kiambaa.
Kuringana na DCI, airi aya makoretwe makinyitanira niguo kwiiyra mwingi kauntiri ya Kiambu na kuria kumirigicirie. Wauguo manyitikanite na thimu, laini cia thimu nyiingi na thaa cia njara .
Njoki uria ukoretwe agitumira ritwa Mitchelle akoretwe agicaranu nake vari kavida karaca. Ekuirwa aya makoretwe magikinyia muno thiini wa iravu na gwikirira andu ndawa iria icangagirira kurega kwiigua na gucoka kumaaiira mbeca na indo iria mari nacio.
Ruvonge rwa DCI rugite Njoki nike mwikuirwa munene uria ukoretwe agitongoria gikundi kiria kiraiiyra andu na njira ino.Andu amwe niweyumiritie na kuthitanga uria maiirwe indo ciao vuva wa gukorwa magicemania na mwikuirwa.
Ekuirwa aya mavingiritwe stationiri ya vorithi ya Karuri magieterera gukinyua igotiri muthenya wa Jumatatu.
Wanja wa Njiru
Mbica irutitwe online
