Rais Uhuru muthenya wa umunthi niuthundurite ciringi billion 2.2 iria igukorwa igitumika thiini wa muvango wa gukuria urimi na mbiashara.
Muvango uyu uri rungu rwa mungano wa (ENABLE Kenya) na urevokwa gukorwa ukiruta mieke ya mawira kuri mbeumbithi na kumavotithia gukuria urimi na mbiashara.
Wauguo rais niuthindurite iravu cia 4-K Clubs na kuria thirikari cia kaunti kunyitirira iravu ino niguo itethie mbeumbithi gwiukiriria mbiasharari na urimiri.
Muvango uyu uria urugamirirtue ni mungano wa ENABLE Kenya, thirikari ya kivururi na African Development Bank (AfDB),urevoka kuguna mbeumbithi 10,000 aria mari mbiasharari na urimi niguo nao matethie kuthondeka mieke ya mawira kuri makira ya mbeumbithi 50,000.
Akiria ari kivarori kia Jamhuri Park,rais augite mbeumbithi 520 ari makuvewa kithomo mweriri uyu nimakorwa makiamukira gatagati ka ciringi ngiri 500,000 na million 1.5 ta mbeca cia kwanjirira mivango ya urimi na mbiashara.
Niguo kunyita mbaru na kuguciriria arutwa thiini wa iravu ino cia 4-K club na urimiri ,rais niwamurithitie anene macukuru kwanjiriria kugura iro kuma kwi iravu ino na iravu ciingi iria itwarithagia urimi ma cukururi.
Mwenegiti wa kanju ya mangavana guku vururiri Martin Wambora, minister wa urimi Peter Munya, na munni ni wake Anne Nyaga wanao nimarekinyitie thiini wa igongona riri.
-Kamuthenya Junior
mbica irutitwe online
