Namba ya aruaru a murimu wa COVID-19 vururiri ikinyite 171,942 vuva wa andu engi 284 kwonekana na virus cia corona arwaru aya maunite na ithimi 4,540 rungu rwa mathaa 24 mavituku.
Thiini wa ndumiriri iria ivecanitwe ni ministry ya ugima wa mwiri muthenya wa umunthi gicunji kia aria monekanite na murimu wa covid 19 gikinyite 6.3 vari igana .
Nambari ya muthenya wa umunthi akenya ni 272 nao 12 maumite nja ya vururi.Anduarume ni 157 nao atumia ni 127 ,uria munini muno ari na ukuru wa mweri umwe nake uria mukuru muno ari na ukuru wa miaka 91.
Kaunti itiganite, niciandikithite aruaru varia kaunty ya Siaya iri na aruaru 66, Nairobi 66, Kisumu 30, Mombasa 21, Busia 13, Kericho 8, Nyeri 8, Kiambu 7, Nakuru 7, Turkana 7, Uasin Gishu 7, Garissa 6, Vihiga 6, Kisii 5, Murang’a 4, Kitui 3, Embu, Migori, Kakamega Narok, Kirinyaga, aruaru 2 Lamu Marsabit Meru Nandi ,Trans Nzoia, West Pokot, Homa Bay na Kajiado muruaru umwe wa kaunty
Wauguo minista wa ugima wa mwiri Mutahi Kagwe niwaniririte kuvora kwa andu 124 varia 97 marekereretue kuuma thivitari ngurani vururiri nao 27 mararoragua mari miciiri na gukinyagia riu namba ya aria mavorete ni 117,469.
Kunari uguo andu engi 17 nimatoretue ni virus cia corona ikuo iria ciandikithitue tariki ngurani mweri wa kanna na wa gatano noguo gukinyia namba ya ikuo vururiri kuumana na COVID-19 iri 3,240.
Mwenari wigie njanjo ya covid 19 Kagwe augite andu 2,541 nimamuditwe dose ya kairi ya njanjo ino na nambari ino 2,150 ni aruti wira a ugima wa mwiri, 95 ni maavitha a ugitiri, 45 mari arimu,216 kuuma nvonge itiganite nao 35 ni aria makinyitie ukuru wa miaka 58 kuthii iguru .
-Wanja wa Njiru
mbica irutitwe online
