Mutwarithia wa vikiviki kuuma Limuru kauntiri ya Kiambu na uria wauragirwe na njira iri na kiriga niarathikirwe muthenya wa igoro .
Atwarithia a vikiviki engi nimareyumiritie kugira uvoro umwe wao undu uracangirire mucukumano munene wa ngari varavarari ya Nakuru kuthii Nairobi.
Kuringana na maavitha a vorithi mucukumano uyu wa ngari urocire kavida ka mathaa mairi na nuthu.
Mutigairi Albert Njenga akorirwe ari murage tariki 28 mweri wa gatano vuva wake gukorwa atecikene kuria aria vari kavida ga ciumia igiri.
Mwiri wake wacokire kwonekana uthikitwe kavuriri nini tauniri ya Nderu undu wacangirire mwingi kururungana magiteta ni uvaguki wa ugitiri.
Mwikuira munene wa gikuo kia Njenga ni uria wandikite anduarume airi aria manyitikanirire na vikiviki ya Njenga, na aria manyitikanire Namanga makigeria kurira vururiri wa Tanzania. Ndumiriri iria ivecanitwe ni komanda wa vorithi kauntiri ya Kiambu yugite ekuirwa athatu nimaikitue ngono magikuruvanua na mburagano io.
Wanja wa Njiru
Mbica irutitwe online
