Ministry ya ugima wa mwiri muthenya wa umunthi niyanirite arwaru engi 383 nimonekanite na murimu wa covid 19 namba iria yumanite na ithimi 3,930 rungu rwa mathaa 24 mavituku.
Namba ino ikinyitie aria mari na virusi ino guku vururi ii andu 172,325 nao andu aria mathimitwe murimu uyu guku vururiri ii andu 1,830,686.
Arwaru a umunthi 377 ni akenya nao 6 maumite nthi cia nja ; 234 ni anduarume nao 149 ni atumia uria munini ni mwana wa mithenya mugwanja nake uria mukuru muno ari na miaka 96.
Akivecana ndumiriri ino minister wa ugima wa mwiri Mutahi Kagwe, niwaniririte andu engi 33 nimavoretet na gukinyia namba ya aria mavorete ii 117,502.
Wa kieva ni ati andu engi 24 nimaniriritwe gukua thiini wa tariki ngurani mweriri wa kana na gatano na gukinyia namba ya andu aria makuite kuma riria murimu uyu wanirirwe ii 3,264.
Kaunti iria ciandikithitie arwaru: Kisumu 54, Nairobi 53, Kisii 37, Kilifi 33, Kericho 29, Uasin Gishu 22, Migori 19, Siaya 17, Busia 15, Nandi 14, kaunti cia Homa Bay, Nyamira arwaru 12 wa kaunti, Bomet, Nakuru arwaru 10 wa kaunti , Kiambu 8, Bungoma, Vihigaarwaru 5 wa kaunti, Machakos 4, kaunti cia Nyeri, Makueni, Mandera arwaru 3 wa kaunti, Embu , Narok , Kajiado arwaru airi wa kaunti nacio kaunti cia Garissa, Kakamega, Kirinyaga, Kitui, Marsabit, Trans Nzoia, Elgeyo Marakwet, Turkana na West Pokot ikiandikithia mundu umwe wa kaunti.
Kamuthenya junior
Mbica irutitue online
