Kuthikirirua gwa ciira ya ungumaniaa iria ngavana wa Garissa Ali Korane akuruvanitue nayo niigendagendetue nginyagia tariki 28 mweri wa mugwanja vuva wa mwiyra umwe kuthengutua ciirari uyu.
Ino ni vuva wa igoti kumenya gutiri na marathi monthe maria maravatarika ni mwena wa nthitango niguo ciira uyu uthikirirue na utuiwe .
Ngavana Korane na aria mathitangitwe nao ,makuruvanitwe na wiyi wa ciringi million 233.5 iria ciavecanirwe kuri kaunty ino ni world bank mwakari wa mbeca wa 2018/2019.
Mbeca ino ciari itumike muvangori wa Kenya Urban Support na kuthodeka thoko ya Qorahey , kureta utheru thokori na gutigirira gutiri na mwicuro wa manji vamwe na kuthodeka varavara cia gutumirwa ni mwingi.
Kuringana na Victor Onyango Ogutu uria ni mwiyra wa mbere igotiri augite kaunty 45 ciari igunike na muvango uyu kuuma kwi world bank.
Wanja wa Njiru
Mbica irutitwe online
