Muthenya wa umunthi nthi ngima irakunguira maria manene , muthenya uria wicikene ta World Oceans Day na mworoto mwaka uyu ni The Ocean Life and Livelihoods,andu nimauritue kumenyerera maria na njira iria yagiririkite.
Ndagitari Moses Kathuri Njeru mutaalamu na mwalimu wa science ya maria maturigicirie Chuka University niwereithitie mamwe ma maundu maria makoretwe makithukia maria, ta urimi vakuvi na nyunji andu magitumagira ndawa na nyunji ino iviraga maji iriari undu ukoretwe ukithukia nyamu iria ciikaraga mariari.
Wavo augite vaina vata wa maria kumenyererwa na kuria mwingi kunyita itemi kumagitira ni tondu nimagucagiriria agenda,makathondeka mieke ya mawira na kutheria riera .
Kunari uguo ekari amwe kauntiri ya Embu medekithitie ugitiri kumatua mariari niguo kugitira nyamu iria ikoragwa mariari na thirikari gwikira mawatho maria magutigirira kwiina utheru iriari .
Kuringana na Dominic Nyaga mwikari kauntiri ya Embu augite mitinu iria ikoretwe igikika mariari niundu thirikari yagirirwe kurumbuiya na ivenya niguo wana aria marekinyia gwikenia mariari matigakorwa mari ugwatiri wa wonthe,varia endekithitie gukoragwe na athambiri engi aria mangitethia vindi iria mitinu yoneka.
Maria manene mavecanaga gicuji kia 50 vari igana kia riera ria oxygen na mucii kwi nyamu nyiingi cia mairi.
Wanja wa njiru
Mbica irutitwe online
