Mutinu wa varavara uria urekikire kauntiri ya Tharaka nithi vakuvi na cukuru wa Chuka university kivwai kia igoro nutigite andu 6 mari na ndivangio gatagati kao airi mari arutwa a cukuru.
Mutinu uyu urekikire vuva wa matatu iria marari ndari kuringana na lori kiongo gwa kiongo.
Aria marativangirue nimaratengerirue thivitari wa Chuka County Referral amwe mari auniku maguru na engi njara.
Kuringana na James Kithaka uria ureyonere mutinu uyu ugikika augite ngari ino igiri iratwarithitue na ivenya mbere ya mutinu wikikite.
Engi marekinyirie ava maugite maavitha a vorithi na ekari marari na kavida karito kuruta andu kuuma ngariri ino nikwona niiracukangirue muno.
Lorry iraumite mwena wa Meru ithiite townri ya Chuka nayo matatu iraumite mbari iyo ingi ,kwirikite nitakwa brake cia lorry iraregire kuruta wira noguo gucangirira mutinu uyu.
Wanja Njiru
Mbica irutitwe online
