Thirikari ya kaunti ya Kisii niyathite aruti wira aria matavecenaga mautungata ma vata muno gukorwa makirutira wira miciiri vari kavinda ga kiumia kimwe ,ino ni vuva wa aruti wira engi kwonekana na murimu wa Covid-19.
Kuringana na ndumiriri iria ivecanitwe ni mwandiki na murungamiriri wa utungata wa mwingi Patrick Lumumba, maavitha engi kauntiri ino nimonekanite na murimu wa Covid -19.
Thiini wa ruvonge rwa kigina makiria ma andu 10 nimonekanite na virus cia corona .
Wauguo augite namba ya raia maronekana na murimu wa Covid -19 kauntiri ya Kisii nikwa irongerereka na nikio mocete itua riri.
Nayo kaunti ya Kisumu niikanjite ciikaro vari kavinda ga ciumia igiri niundu wa kwongerereka kwa andu aria maronekana na murimu wa Covid-19.
Akivecana ndumiriri ino spika wa mbunge Elisha Orare, niuritie atongoria thiini wa kaunti ino kwereithia mwingi maundu mengi murimu wa Covid 19.
Ino yukite vuva wa kaunti ya Kisumu gukorwa ikiandikithia namba nene ya aruaru a corona virus na aria maronekana na muthemba uria wonekanire vururi wa India na uria urerika nurakandiriria muno aria maramatwa niguo.
Wanja wa Njiru
Mbica irutitue online
