Mbunge ya kaunti ya Kisumu niirungamitie ciikaro ciao vandu va ciumia igiri niundu wa kwongerereka kwa murimu wa covid-19 kauntiri iyo.
Akianirira itua riri speaker wa mbunge iyo Elisha Oraro niuritie atongoria kauntiri iyo kuthomithia mwingi uvoro wigie king’oki giki.
Ndeto ino yukite wa riria namba ya aria maronekana na murimu uyu ithiite nambere kwongerereka, undu uria urakuruvanua na gutamba kwa muthemba muceru wa covid-19 kuuma India uria wakinyire vururiri mweri muthiru.
Muthenya wa igoro kaunti ino ya Kisumu irandikithirie arwaru 129 varia aria monekanite na murimu uyu guku makinyite 5,739.
Kwongerereka kwa murimu uyu kauntiri ino gukite wa riria kwaari na na miario ya kwongerereka kwa guo niundu wa kwagararwa kwa makinyo ma kurua na murimu wa covid-19 indi ya ngunguiro ya Madaraka.
Mbica irutitwe online
-Mbuya Ngari-
