Kanju ya igeranio vururiri KNEC nimacagurite ndagitari David Njeng’ere gutungata ta avithaa munene wao nike CEO vandu va miaka itano.
Ndagitari Njeng’ere aroca giturwa giki kuuma kuri Mercy Karogo uria ukoretwe agitungata kuuma mwaka wa 2016.
Ndumiriri ino yaniriritwe umunthi ni mwenegiti wao John Onsati varia augite utungata wa CEO muceru ukambiriria tariki imwe mweri muku wa mugwanja mwaka wa 2021.
Ndagitari Njeng’ere ari na umenyo wa makiria ma miaka 30 thiini wa ruvonge ruru rwa kithomo, na thaa ino nike mutarani wa maundu ma kithomo kuri minister wa kithomo, wira uria akoretwe akiuruta vandu va miaka ithatu riu.
Kuringana na KNEC, agakorwa akirungamirira moogaruruku maria mangiaruvia urungamiriri wa igeranio, makiria moogaruruka maria matumire wiyie wa igeranio uthire na kureta utheri thiini wa gwikarirwa kwa igeranio Kenya.
Mbica irutitwe online
-Mbuya Ngari-
