Maavithaa a uthuthuria wa wikinai DCI nimeekitie ngono waringi Michael Mutunga uria woorotirwe na kuuraga Fr Michael Maingi Kyengo tariki 8 mweri wa ikumi mwaka wa 2019.
Mwiri wa vatiri uyu weethirwe thiini wa mbirira nguvi nguvari cia muvuro wa Gathingiri Embu ino ni kuringana na rivoti cia maavithaa a vorithi.
Mithenya minini vuvari nirio mwikuirwa agwatirwe na kaviu kari na nthakame karia geekuirwe gutumika mburaganori ino.
Wanathengia wa uira uyu, mwikuirwa niwarekererue na bail ya ciringi 300,000 vuva wa gukinyua igotiri ria Embu.
Gwikua ngono gwake guukite vuva wa kwithitha na kurega gwikinyia igotiri mithenya mingi vuva wa kurekererua na bail.
Maavithaa ama a uthuthuria maramugwatire thiini wa gicagi kimwe kauntiri ya Embu kuria akoretwe ethithite va mwaka umwe.
Fr Maingi auragirwe athiite Parishiri ya Thatha mwena wa Masinga aumite Tala kwona aciari ake.
Muthenya wa Jumatano, maavithaa a vorithi na ataaramu a miiri mikuo nimarathikuririe mwiri uyu kuuma mwena wa Mashamba locationiri ya Makima gicigo kia Mbeere South.
Mbica irutitwe online
